ყოველდღიურობის 10 დაუწერელი კანონი, რომლის დარღვევაც ყველას გვაღიზიანებს

ალბათ, შეგიმჩნევია, რომ ჩვენს ყოველდღიურ ცხოვრებაში მოქმედებს გარკვეული წესები, რომლებიც ფურცელზე არავის ჩამოუწერია, თუმცა მის დაცვას საკუთარი თავისა და სხვებისგან უსიტყვოდ მოველით. Reddit-ის მომხმარებლებმა სწორედ ისეთი დაუწერელი კანონები ჩამოთვალეს, რომელთა დამრღვევებისთვისაც შენიშვნას თუ არა, დაბღვერილ გამომეტყველებას მაინც არავინ დავიშურებთ:

1. თუ ტელეფონში ერთ ფოტოს განახებ, სხვა ფოტოების თვალიერება არ გააგრძელო

— u/Soft-Problem.

2. თუ ნივთს ითხოვებ, ის იმავე მდგომარეობაში უნდა დააბრუნო

— u/Ryastor.

3. სანამ ტრანსპორტში შეხვალ, განზე გადექი და სხვებს გამოსვლა აცადე

"განზე გადექი, სანამ ავტობუსში, მეტროს მატარებელში ან ლიფტში შეხვალ, რათა შიგნით მყოფებმა გამოსვლა სწრაფად მოახერხონ და შენს გაწევას არ დაელოდონ", — u/Lightmareman.

4. სახლში შუქი იმან უნდა გამორთოს, ვინც ბოლოს იძინებს

— u/Rebeca2277.

5. ნაცნობისგან ავტომატურად ფასდაკლებას ნუ მოელი

"მხოლოდ იმიტომ, რომ იცი, კონკრეტული ადამიანი რას საქმიანობს, არ ნიშნავს იმას, რომ ის ვალდებულია სამუშაოს შესრულებისას ფასდაკლება გაგიკეთოს", — u/mstaff388.

6. ადამიანი, რომელსაც ყურსასმენები უკეთია და აშკარაა, რომ განმარტოება სურს, არ უნდა შეაწუხო

— u/Thetiredregular.

7. ესკალატორზე მარჯვენა მხარეს დადექი, რათა სხვებმა შენთვის გვერდის ავლა მარცხნიდან შეძლონ

— u/ChicagoSocs.

8. სანამ ვინმეს საკუთარ პრობლემებზე მოუყვები, ჰკითხე, შეუძლია თუ არა მოსმენა

"თუ ვინმეს საკუთარ პრობლემებზე უნდა დაელაპარაკო, ჯერ შეამოწმე, მაგალითად, ჰკითხე: 'შეგიძლია, რომ ახლა მომისმინო?' ეს ხერხი რამდენჯერმე გამოვიყენე და ვფიქრობ, რომ თუნდაც ზრდილობის გამო ამ კითხვის დასმა სხვებისთვის უდიდესი შვებაა", — u/lucille1234.

9. როდესაც სხვა იხდის, ძვირიანი კერძი არ შეუკვეთო

"თუ, რა თქმა უნდა, კონკრეტული ძვირიანი კერძი ერთადერთი რამაა, რისი ჭამაც შეგიძლია", — u/yomomma1000.

10. ნივთი, რომლის ყიდვაც გადაიფიქრე, მაღაზიაში თავის ადგილას დააბრუნე

"როდესაც შოპინგის დროს ტანსაცმელს არჩევ და უეცრად გადაწყვეტ, რომ კონკრეტული ნივთი აღარ გინდა, უბრალოდ იქ დააბრუნე, საიდანაც აიღე. არ დააგდო სხვაგან, რადგან ეს საქმეს ურთულებს თანამშრომლებს, რომლებმაც არეულობა უნდა მიალაგონ და მომხმარებლებს, რომლებიც ტანსაცმელს ეძებენ", — u/i_dunno_mate_159.

ბოლო ამბები:

გირჩევთ