ქართული ოცნების თავმჯდომარის, ირაკლი კობახიძის განცხადებით, ხანდახან საერთაშორიო პარტნიორებიც აკეთებენ ნაჩქარევ განცხადებებს. ასე გამოეუხმაურა ის საქართველოში აშშ-ს ელჩის, კელი დეგნანის განცხადებას იმასთან დაკავშირებით, რომ მან პრემიერმინისტრის, ირაკლი ღარიბაშვილის მოქმედებებში ვერ დაინახა "უფრო ძლიერი ლიდერული როლი".

"ჩვენ სხვა ნაჩქარევი განცხადებებიც მოვისმინეთ, მათ შორის იმასთან დაკავშირებით, რომ თითქოს ჟურნალისტის დაღუპვა იყო დაკავშირებული 5 ივლისის ძალადობასთან. სამწუხაროდ, საერთაშორისო პარტნიორებიც ხანდახან აკეთებენ ხოლმე ნაჩქარევ განცხადებებს. შემდეგ გაირკვა, რომ ეს განცხადება არ იყო მართალი. ამ შემთხვევაშიც, ნუ, ცოტა ... ასე ვთქვათ, გარკვეული ხარვეზები ამ განცხადებაში შეიძლება დავინახოთ", — განაცხადა ირაკლი კობახიძემ რუსთავი 2-ის ეთერში.

5-6 ივლისის ძალადობრივ კონტრაქციებზე საუბრისას კელი დეგნანმა განაცხადა, რომ პრემიერმინისტრმა უნდა ითამაშოს წამყვანი როლი სიტუაციის განსამუხტად, თუმცა აღნიშნა, რომ ეს ვერ დაინახა.

გაიგე მეტი: