ფემინისტების დამოუკიდებელი ჯგუფის ინიციატივით, საქართველოს ახალგაზრდა მწვანეები, ქალთა მზერა, ვისგი და ფემინისტი აქტივისტები სექსუალური თავისუფლების მოთხოვნით აქცია-მსვლელობას გამართავენ. ისინი ხვალ, 8 მარტს, 13 საათზე შეიკრიბებიან ფილარმონიის წინ, საიდანაც მარშით გაემართებიან პარლამენტისკენ და შეუერთდებიან ქალთა სოლიდარობის აქციას პარლამენტთან:

"2017 წლის 8 მარტის მსვლელობაზე ფემინისტების დამოუკიდებელი ჯგუფის ინიციატივით, ქალები ვერთიანდებით, რომ ხმამაღლა მოვითხოვოთ ის უფლებები, რაც ჩვენს სხეულსა და სექსუალობას ეხება. ამავდროულად, ჩვენ გვინდა ვამხილოთ ის პრაქტიკები, რაც ამ უფლებებს გვიზღუდავს".

ფემინისტების დამოუკიდებელი ჯგუფი თანამოაზრეებს მოუწოდებს, მათთან ერთად მსვლელობით გაიარონ რუსთაველის გამზირი, ფილარმონიიდან პარლამენტამდე".