იცოდი, რომ სიცხესთან გამკლავებისთვის ვენტილატორების გამოყენება ჯერ კიდევ ძვ.წ. 500 წელს დაიწყეს? მას შემდეგ დიდმა დრომ გაიარა, ტექნოლოგია დაიხვეწა, ზოგიერთი ვენტილატორი კი საერთოდაც ხელოვნების ნიმუშად იქცა.

ამ სტატიაში სწორედ იმ 10 ვინტაჟურ ვენტილატორს ნახავ, რომელიც ნამდვილი ხელოვნების ნიმუშია.

1. შავის და ოქროსფერის კომბინაციით შექმნილი ეს ვენტილატორი შეიძლება ვერსაჩეს ქმნილებაც კი გეგონოს. თუმცა ის უფრო ძველია — 1908 წელს შეიქმნა.

ფოტო: Pinterest

2. ეს ვენტილატორი ყვავილის ფურცლებს უფრო ჰგავს. ერთი შეხედვით შეიძლება იფიქრო, რომ ყოველი დაბერვისას ჰაერში შოკოლადისა და დარიჩინის სურნელს აფრქვევს.

ფოტო: Pinterest

3. სიგრილით სიამემოგვრილს დრო რომ არ გამოგეპაროს, ვენტილატორის და საათის კომბინაციაც კი შექმნეს. ვფიქრობთ, შესანიშნავი იდეაა.

ფოტო: Antique Farm House

4. ეს დახვეწილი ვენტილატორი მიცუბიშის ქმნილებაა. რა საჭიროა მიცუბიშის ჯიპი, როცა სახლში გრილა და ეს ულამაზესი ვენტილატორი გიდგას.

ფოტო: Flickr

5. ვენტილატორი მხოლოდ ჰაერის ცირკულაციისთვის რომ არ გამოუგონებიათ, ამაში ეს ავანგარდული ქმნილებაც დაგარწმუნებთ. ის 1940 წელს შეიქმნა და იქნებ, მის მყიდველს საფრენი მოწყობილობაც კი ეგონა.

ფოტო: Foter

6. რაკი საფრენ მოწყობილობებზე დავიწყეთ საუბარი, ეს სპორტული ვერტმფრენის დიზაინით შთაგონებული ვენტილატორიც არ უნდა გამოგვრჩეს. როცა სახლს ასეთი სილამაზე ამშვენებს, ალბათ ფრენა და მოგზაურობაც კი დაგავიწყდება.

ფოტო: Pinterest

7. ეს ვენტილატორი და ვინჩის დიზაინით შექმნილს ჰგავს. შეიძლება ეს ასე არ არის, მაგრამ ვფიქრობთ, დიდ ხელოვანს რომ ენახა, საკუთარ სახელოსნოში აუცილებლად დადგამდა.

ფოტო: Pinterest

8. 1935 წლის ვენტილატორი პრაქტიკული და მცირეა, თუმცა არა ნაუცბადევად შექმნილი. ამაზე მისი დახვეწილი ვიზუალიც მოწმობს.

ფოტო: Pinterest

9. როცა სამუშაო მაგიდაზე ეს ვენტილატორი დგას, ყველაფერი ძალიან მარტივი გეჩვენება. ალბათ დამეთანხმებით, რომ მხოლოდ შეხედვაც კი აგრილებს.

ფოტო: Pinterest

10. რთულია, დარწმუნებით თქვა ეს ვენტილატორია თუ რომელიმე შორეული პლანეტის მოდელი. მგონი, დროა, ვენტილატორების ფანების ჯგუფი შევქმნათ.

ფოტო: Pinterest

ალტა კომპიუტერული და საოჯახო ტექნიკის ერთ-ერთი უმსხვილესი მაღაზიაა, რომელიც მსოფლიოს წამყვან ბრენდებთან პარტნიორობს და მომხმარებელს ათასობით პროდუქტს სთავაზობს. ზაფხულის ცხელი დღეებისთვის ვენტილატორის შერჩევას ალტაში შეძლებთ.