ძლიერი წვიმის გამო თბილისში პრობლემები შეიქმნა. როგორც On.ge-ს საგანგებო სიტუაციების მართვის სამსახურში განუცხადეს, დაიტბორა სარდაფები და სახლების პირველი სართულები, ასევე გარკვეული პრობლემებია ქუჩებში სანიაღვრე სისტემების გამო. უწყების განცხადებით, სერიოზული პრობლემა არ შექმნილა.

მათივე ინფორმაციით, ამ მიზეზების გამო სამაშველო სამსახურში 40-მდე ზარი შევიდა. უწყებაში ამბობენ, რომ ყველა შეტყობინებაზე რეაგირება ჰქონდათ და ადგილზე გასულია სამაშველო ჯგუფები. ამ ეტაპზე დამატებითი დეტალები უცნობია.