თუკი ტიკტოკის სიახლეებს თვალს აქტიურად ადევნებთ, შეამჩნევდით, რომ ცოტა ხნის წინ ახალი ტრენდი გაჩნდა — Cage the Elephant's-ის სიმღერის ფონზე მომხმარებლები მოზარდობისდროინდელ ამბებს იხსენებენ, როცა ისინი ან სექსუალიზების მსხვერპლნი გახდნენ, ან დროზე ადრე მოუწიათ გაზრდა.

ერთ-ერთმა მომხმარებელმა მაყურებლებს გაუზიარა, რომ "სათვალეებს ვერ ატარებს, რადგან სკოლაში ბიჭები ეუბნებოდნენ, რომ მათთან ერთად ის მია ხალიფას ჰგავდა და ეს თავს უხერხულად აგრძნობინებდა".

როგორც ვიდეოს ავტორი აღნიშნავს, მაშინ იგი მხოლოდ 13 წლის იყო.

ვიდეო პლატფორმაზე ვირუსულად გავრცელდა და 8,5 მილიონმა ადამიანმა ნახა. მათ შორის, თვით მია ხალიფამაც, რომელიც მას გამოეხმაურა კიდეც.

"დადუეტებულ" ვიდეოში მია ტირის, მის აღწერაში კი წერია:

"მაპატიე. ამ მიზეზით [სათვალეებს] აღარ ვატარებ".

@miakhalifa

##duet with @oreo_mlkshake I’m so sorry. I don’t wear them anymore for this reason.

♬ c i g a r e t t e d a y d r e a m s - ᴀᴜᴅɪᴏs ☠︎︎

შარშან მიამ თავისი სათვალეები აუქციონზე გაიტანა გასაყიდად, რათა ბეირუთში მომხდარი აფეთქების შემდეგ ლიბანის წითელ ჯვარს ფინანსურად დახმარებოდა. სათვალეები $100 ათას დოლარამდე შეფასდა და გაიყიდა.

ვიდეოს კომენტარებში მომხმარებლები მიას თანაუგრძნობენ. 28 წლის ლიბანელმა მოდელმა, რომელიც რამდენიმე თვის განმავლობაში პორნოფილმებში მონაწილეობდა, არაერთხელ გამოთქვა სინანული ამ ინდუსტრიაში ჩართვის გამო.