კორონავირუსზე აცრის დაჯავშნა დღეიდან კლინიკაში დარეკვითაა შესაძლებელი. ამის შესახებ საკოორდინაციო საბჭოს სხდომის შემდეგ ჯანდაცვის მინისტრის მოადგილემ, თამარ გაბუნიამ ისაუბრა.

"ვაქცინაციისთვის რეაგისტრაცია შესაძლებელია როგორც ელექტრონული პორტალის საშუალებით, ისე უშალოად დაწესებულების ცხელი ხაზის საშუალებით, რომელიც გამოქვეყნებული დაავადებათა კონტროლის ცენტრის ვებგვერდზე. და ასევე შესაძლებელია პირდაპირ კლინიკაში ვიზიტი და იქვე მოქალაქის დარეგისტრირება, თუ სხვა გზით რეგისტრაციას ვერ ახერხებს. თუმცა ეს გზა რიგების თავიდან აცილების მიზნით, ნაკლებად სასურველია", — აღნიშნა გაბუნიამ.

2 ივლისს საქართველოში ჩინური ვაქცინის მილიონი დოზა შემოვიდა. როგორც მინისტრის მოადგილემ აღნიშნა, მოქალაქეებისთვის პორტალზე 100 ათასი ჯავშანია გახსნილი, დილის მონაცემებით, რომ ამ ეტაპისთვის 27 ათასი ჯავშანია გაკეთებული.