პრეზიდენტმა გიორგი მარგველაშვილმა დღევანდელ ბრიფინგზე, რომელიც რუსთავი 2-ის საქმეს შეეხებოდა, საკონსტიტუციო კომისიის გუშინდელი სხდომაც შეაფასა.

ტელეკომპანია იმედის ჟურნალისტის შეკითხვაზე, თუ როგორ შეაფასებდა ირაკლი კობახიძის გუშინდელ განცხადებას, პრეზიდენტის არჩევის წესის ცვლილებაზე, გიორგი მარგველაშვილმა განაცხადა, რომ დასანანი იყო, ვინაიდან სხდომაზე კონსტიტუციას განიხილავენ არა შინაარსობრივად, არამედ, საუბარია კონკრეტულ პოლიტიკოსთან დაკავშირებული გადაწყვეტილებების მიღებაზე:

"მოტივაცია პროცესისა, არის არა კონსტიტუციის შინაარსობრივი გადახედვა, არამედ, ამ კონკრეტულ პოლიტიკოსთან დაკავშირებული შეხედულებები".

2 მარტს, საკონსტიტუციო კომისიის სახდომაზე, ირაკლი კობახიძემ აღნიშნა, რომ პრეზიდენტის არაპირდაპირი არჩევის წესი, მათი საბოლოო მიზანია. მისივე განცხადებით, პრეზიდენტი უნდა ჩამოყალიბდეს, როგორც არა პოლიტიკური ფიგურა, არამედ, საზოგადო დატვირთვით, მისივე თქმით, როგორც ეს არის საპარლამენტო ტიპის რესპუბლიკებში.

გიორგი მარგველაშვილმა იმედის ჟურნალისტის შეკითხვას, მოსმენების კანონზე ვეტოს დადებასთან დაკავშირებით არ უპასუხა და თქვა, რომ ამ თემაზე ცალკე განცხადებას გააკეთებს.