შინაგან საქმეთა სამინისტროს განცხადებით, 27 ივნისს საბაგიროს თანამშრომლის დაჭრის საქმეზე ორი პირი დააკავეს. 1989 წელს დაბადებული პირი ჯანმრთელობის განზრახ მძიმე დაზიანების ბრალდებით დააკავეს, ხოლო 1986 წელს დაბადებული პირი — დანაშაულის შეუტყობინებლობის ბრალდებით.

გამოძიების ვერსიით, ერთ-ერთმა დაკავებულმა საბაგიროს თანამშრომელს ცივი იარაღით ჭრილობები მიაყენა და მეგობართან ერთად ადგილიდან მიიმალა.

გამოძიება სისხლის სამართლის კოდექსის 117-ე და 376-ე მუხლებით მიმდინარეობს, რაც ჯანმრთელობის განზრახ მძიმე დაზიანებას და დანაშაულის შეუტყობინებლობას გულისხმობს.