ჯორჯ ფლოიდის მკვლელობაში ბრალდებულ ყოფილ პოლიციელს, დერეკ შოვინს 22 წლითა და 6 თვით თავისუფლების აღკვეთა მიუსაჯეს. პროკურატურა შოვინისთვის 30-წლიან სასჯელს ითხოვდა.

დერეკ შოვინს ბრალად ედება მეორე და მესამე ხარისხის მკვლელობა, ამასთან, მკვლელობა გაუფრთხილებლობით.

"დამატებითი იურიდიული საკითხების გამო, ახლა სრულ განცხადებას ვერ გავაკეთებ. მოკლედ მინდა ვთქვა, დიდ მწუხარედ ვუცხადებ ფლოიდის ოჯახს. მომავალში სხვა ინფორმაცია იქნება, რომელიც საინტერესო იქნება და იმედი მაქვს, რომ ეს დამშვიდების საშუალებას მოგცემთ", — თქვა შოვინმა სასჯელის გამოცხადების წინ. ეს სასამართლოში მისი პირველი გამოსვლა იყო.

სასამართლო სხდომაზე სიტყვით გამოვიდნენ გარდაცვლილი ოჯახის წევრები. ამასთან, გაუშვეს ფლოიდის 7 წლის შვილის, მიმართა, სადაც ის მამაზე საუბრობს.

გასული წლის 25 მაისს აფროამერიკელი ჯორჯ ფლოიდი დაკავების დროს გარდაიცვალა. ერთ-ერთ პოლიციელს, დერეკ შოვინს გზაზე მწოლიარე ფლოიდის კისერზე მუხლი თითქმის ცხრა წუთის განმავლობაში ჰქონდა მიბჯენილი. არაერთი მოთხოვნის მიუხედავად, მან ფეხი არ ჩამოიღო. ფლოიდმა გონება დაკარგა და გარდაიცვალა.

ფლოიდის გარდაცვალებას ამერიკაში დიდი საპროტესტო ტალღა მოჰყვა. Black Lives Matter-ის მოძრაობის წევრები სისტემური რასიზმის დამარცხებასა და საპოლიციო რეფორმის გატარებას მოითხოვდნენ.

დერეკ შოვინის გარდა, ფლოიდის საქმეზე კიდევ სამი პოლიციელი დააკავეს, რომლებიც დაკავებაში მონაწილეობდნენ. მოსალოდნელია, რომ ისინი სასამართლოს წინაშე 2022 წლის მარტში წარსდგებიან.