ევროკავშირის წარმომადგენლობა საქართველოში რუსთავი 2-ის საქმეზე, უზენაესი სასამართლოს გადაწყვეტილებას ეხმაურება და წერს, რომ ისინი ყურადღებით შეისწავლიან უზენაესი სასამართლოს მიერ მიღებულ გადაწყვეტილებასა და მის შედეგებს:

"უკვე წლებია, რაც ევროკავშირი მუშაობს საქართველოს ხელისუფლებასთან სასამართლო სისტემის რეფორმაზე, რომლის განხორციელებისას ძირითადი ყურადღება ეთმობა სასამართლო პროცედურების დამოუკიდებლობას, გამჭვირვალობასა და ხარისხს, რაც კანონის უზენაესობის დაცვისთვის სასიცოცხლოდ მნიშვნელოვანია."

ევროკავშირის წარმომადგენლობა ასევე აცხადებს, რომ ისინი დიდი ხნის წინ დამკვიდრებულ პრაქტიკას იცავენ, რომლის თანახად სასამართლოს ცალკეულ გადაწყვეტილებებზე კომენტარს არ აკეთებენ.

ევრკავშირის წარმომადგენლობა ხაზს უსვამს პოლიტიკური პლურალიზმის, მედიის თავისუფლებისა და განსხვავებულ შეხედულებებზე წვდომის აუცილებლობას:

"დღევანდელ ეტაპზე ამ პრინციპების შენარჩუნებას ფუნდამენტური მნიშვნელობა ენიჭება დემოკრატიის დაცვისა და განმტიცების საქმეში, რაც შეესაბამება ევროკავშირსა და საქართველოს შორის გაფორმებულ ასოცირების შეთანხმებაში მოცემულ უმთავრესი ვალდებულებებს".

გუშინ, საქართველოს უზენაესი სასამართლოს გადაწყვეტილებით, ტელეკომპანია რუსთავი 2-ის წილების მფლობელი ქიბარ ხალვაში და მისი კომპანია გახდნენ.