ეკონომიკის მინისტრის, ნათია თურნავას თქმით, როგორც ჩანს ყველაზე დიდხანს შეზღუდვები ღამის კლუბებზე გავრცელდება.

"ძალიან კარგად მესმის, რომ პანდემიის პირობებში ზაფხულის ტურისტული სეზონი იქნება იმაზე უკეთესი, ვიდრე ჩვენ ველოდებოდით, მაგრამ ვერ იქნება სრულფასოვანი, ამიტომ მინიმალური რაოდენობა შეზღუდვების რჩება და მათ შორის, სამწუხაროდ, ეს შეზღუდვა ჯერჯერობით ვრცელდება ღამის კლუბებზე იმიტომ, რომ ჩვენი ეპიდემიოლოგების მიერ ღამის კლუბები მიჩნეულია ერთ-ერთ რისკის მატარებელ ჯგუფად, თუმცა ჩვენ ვფიქრობთ, რომ მართლაც უნდა განვიხილოთ ღამის კლუბებთან ერთად, რა შესაძლებლობები არსებობს დახმარების იმიტომ, რომ ეს ინდუსტრია მართლაც არის დაზარალებული ისევე, როგორც ბევრი სხვა ინდუსტრია, რომელიც დაზარალდა კოვიდის გამო, მაგრამ როგორც ჩანს, ყველაზე დიდხანს შეზღუდვები გავრცელდება ამ სეგმენტზე, ამიტომ მზად ვართ, ჩვენი სამინისტრო კულტურის სამინისტროსთან ერთად, ქალაქის მუნიციპალიტეტთან ერთად შევხვდეთ, განვიხილოთ რა შეიძლება ამ კუთხით გაკეთდეს, რომ დავეხმაროთ", — ამბობს თურნავა.

დღეს, 22 ივნისს საკოორდინაციო საბჭოს სხდომის შემდეგ გამართულ ბრიფინგზე პრემიერმინისტრმა, ირაკლი ღარიბაშვილმა განაცხადა, რომ კომენდანტის საათი ქვეყანაში 1-ლი ივლისიდან მოიხსნება, ხოლო ღია სივრცეში პირბადის ტარება სავალდებულო აღარ იქნება. საკოორდინაციო საბჭოს გადაწყვეტილებით, კვების ობიექტები მუშაობას მხოლოდ ღამის 00:00 საათამდე შეძლებენ.

გაიგე მეტი: