"გაცილებით მეტი ვართ ანტი-ზონდერები, ვიდრე ზონდერები და კონტრზონდერები" - ეს განცხადება პარლამენტის თავჯდომარემ, დავით უსუფაშვილმა გააკეთა და პარლამენტის წევრებს ქმედითი მექანიზმის შექმნა შესთავაზა იმისთვის, რომ მას კორცხელში მომხდარი ინციდენტების მსგავს სიტუაციებში თავისი გადამწყვეტი სიტყვის თქმის საშუალება ჰქონდეს.

უსუფაშვილმა ასევე განმარტა, რომ არჩევნებში სწორედ ისინი დამარცხდებიან, ვინც პრობლემების მოგვარებას ძალადობით შეეცდება:

"ყველა, ვინც კუნთებით შეეცდება არჩევნებში გამარჯვებას, წააგებს თავს. ეს არ არი ჩემი ანალიზი, ეს არ არის ჩემი რჩევა, ეს არ არის ჩემი დაპირება. ეს არის ჩემი, როგორც პარლამენტის თავჯდომარის, დაპირება".

ზუგდიდში, კორცხელის საარჩევნო უბანზე, სადაც შუალედური ადგილობრივი თვითმმართველობის არჩევნები მიმდინარეობდა, ნაციონალური მოძრაობის წევრებს, მათ შორის გიგა ბოკერიასა და ნიკა მელიას, ფიზიკური შეურაცხყოფა მიაყენეს.