თბილისის მერის, კახა კალაძეს განცხადებით, ცნობები კალაძისა და კობახიძის დაპირისპირებაზე დიდი ტყუილია.

"რაზეც საუბრობენ, არის შემთხვევები კალაძე-კობახიძე, შემდეგ ღარიბაშვილი-კობახიძე, ღარიბაშვილი-კალაძე. ეს არის ძალიან დიდი ტყუილები, ჭორები, მიზანმიმართული და კონკრეტულად ხდება ოპოზიციური ტელევიზიების მხრიდან, რომ საზოგადოებაში შექმნან განცდა, რომ მმართველ გუნდში არის დაპირისპირება. შემდეგ მოდიან, გისვამენ კითხვას, თვითონ იგონებენ სისულელეს, შემდეგ მოდიან, გისვამენ კითხვას და შენ ვალდებული ხარ, ამ შეკითხვაზე უპასუხო. აი, ეს არის მარტივად", — ამბობს კალაძე იმედის ეთერში.

გარკვეული პერიოდია, რაც მედიით ვრცელდება ინფორმაცია ქართული ოცნების თავმჯდომარის, ირაკლი კობახიძისა და თბილისის მერის, კახა კალაძის დაპირისპირებაზე, თუმცა ამას არცერთი მხარე არ ადასტურებს.