პრემიერმინისტრის, ირაკლი ღარიბაშვილის განცხადებით, NATO-ს სამიტზე ქვეყნის მიერ მიღწეული პროგრესის სათანადოდ შეფასების მოლოდინია.

"ჩვენ ველოდებით, რომ სათანადოდ იქნება შეფასებული და დაფასებული ჩვენს მიერ მიღწეული პროგრესი. ჩვენ ჩვენი მხრივ ყველა ვალდებულებას პირნათლად ვასრულებთ, ის რაც არის განსაზღვრული წინა ნატოს სამიტების დეკლარაციებში თუ მიღებულ შეთანხმებებში — ყველა შეთანხმებას და ვალდებულებას საქართველო პირნათლად ასრულებს. ჩვენ მოველით, რომ ეს სათანადოდ იქნება ასახული და დაფასებული", — განაცხადა ღარიბაშვილმა.

ხვალ, 14 ივნისს ბრიუსელში NATO-ს სამიტი გაიმართება, სადაც ერთ-ერთი განსახილველი თემა საქართველო იქნება.