ნაციონალური მოძრაობის წევრის, რომან გოცირიძის განცხადებით, დღეიდან ჩაერთვებიან საკანონმდებლო განხილვებში, იქნებიან, როგორც დერეფნებში, ისე ქუჩებსა და საერთაშორისო სარბიელზე. ამის შესახებ მან პარლამენტში შესვლის შემდეგ ჟურნალისტებთან ისაუბრა.

"მთავარი არის ის, რომ ჩვენ მოვედით აქ სამუშაოდ, საქმის საკეთებლად, იქნება უამრავი ინიციატივა, ვიქნებით აქტიური ყველგან — კომიტეტებში, დარბაზებში, დღეიდავნე ჩავერთვებით საკანონმდებლო განხილვებში. ვიქნებით როგორც ყოველთვის ახლოს თქვენთან, ვინაიდან თქვენ გარეშე შეუძლებელია რაიმე კარგი ინიციატივის გატანა. ამ კორიდორში ვიქნებით, როგორც არაერთხელ ვყოფილვართ, მათ შორის, ვიქნებით ქუჩაში, გარეთ, ამ პარლამენტში მისადგომებთან, როდესაც ზამთარში შეშას გვაპარვდბნენ რომ აქტიურობა არ ყოფილიყო ქუჩის, ხშირად ეშინიათ ხოლმე ქუჩის აქტიურობისა, ვიქნებით საერთაოშიროს სარბიელზე, ვიქნებით ყველგან, არ მივცემთ კომფორტულად ცხოვრების საშუალებას ამ წარუმატებელ რეჟიმს, რომელსაც ქართული ოცნება ჰქვია", — განაცხადა მან.

ნაციონალური მოძრაობა პარლამენტში მივიდა. პარტიის წევრებმა დღეს, 8 ივნისს პარლამენტში მისვლა დააანონსეს, თუმცა მე-10 მოწვევის პარლამენტის საგაზაფხულო სესიის პლენარულ სხდომაზე არ გამოცხადებულან. ისინი საკანონმდებლო ორგანოში სხდომის შესვენების დროს მივიდნენ. ნაციონალური მოძრაობის წევრების პარლამენტში არყოფნის გამო, დღეს ამნისტიის კანონპროექტის მოსმენა გადაიდო.

ამასთან, 7 ივნისს პარლამენტში ერთიანი ნაციონალური მოძრაობა — გაერთიანებული ოპოზიცია ძალა ერთობაშიას ფრაქცია შეიქმნა, როლმელსაც ხატია დეკანოიძე უხელმძღვანელებს. ფრაქცია 32 წევრისგან შედგება.

30 მაისს პარტიამ საკანონმდებლო ორგანოში შესვლის გადაწყვეტილება მიიღო. მიუხედავად ამისა, ენმ შარლ მიშელის დოკუმენტს ხელს არ მოაწერს. გადაწყვეტილება პოლიტსაბჭოს შემდეგ გახდა ცნობილი. იმავე დღეს საქართველოში ევროკავშირისა და ამერიკის შეერთებული შტატების საელჩოებმა განცხადება გაავრცელეს, სადაც აღნიშნეს, რომ ნაციონალური მოძრაობის პარლამენტში შესვლის გადაწყვეტილებას მიესალმებიან, მაგრამ წუხან ევროპული საბჭოს პრეზიდენტის, შარლ მიშელის დოკუმენტზე ხელის არმოწერის გამო.