ამნისტიის კანონპროექტის მოსმენა ნაციონალური მოძრაობის სხდომაზე არყოფნის გამო გადაიდო. აღნიშნული ინიციატივა ქართული ოცნების დეპუტატმა, მამუკა მდინარაძემ წამოაყენა, რასაც პარლამენტში მყოფი დეპუტატები ერთხმად დაეთანხმნენ.

"როგორც ვხედავთ, ნაცმოძრაობის წარმომადგენლები კვლავ არ არიან დარბაზში, ჩვენ დღეს ამნისტია უნდა გავიაროთ. მე ვფიქრობ, რომ მათაც უნდა დაველოდოთ და მანამდე გვქონდა ოპოზიციასთან საუბრები, იქნებ შევთანხმბეულიყავით, მაგრამ ეს ვერ მოხერხდა, ჩვენ ჩვენი მყარი პოზიცია, არგუმენტები გვაქვს ამაზე, მაგრამ ამას რომ თავი დავანებოთ, იმ ხალხის გარეშე, რომლის ერთ-ერთ მთავარ წარმომადგენელს, ფორმალურ თავმჯდომარეს ეხება ამნისტიის პროექტი, მათი მონაწილეობის გარეშე, არ მგონია, რომ სწორი იყოს. დაველოდოთ და მათი არგუმენტებიც მოვისმინოთ და გადავდოთ", — განაცხადა მდინარაძემ.

პარლამენტის თავმჯდომარემ, კახა კუჭავამ მხარეებს მოუწოდა, რომ ეს გამოიყენონ, გააგრძელონ ერთმანეთთან საუბარი და პროექტზე პოზიციები დააახლოვონ.

პარლამენტში ამნისტიის შესახებ ორი კანონპროექტია დარეგისტრირებული — ერთი ოპოზიციის და ერთიც მმართველი პარტიის.

20 ივნისთან დაკავშირებულ საქმეებზე ამნისტიის მიღება ევროპული საბჭოს პრეზიდენტის, შარლ მიშელის ინიციატივით შემქნილი დოკუმენტის ერთ-ერთი პუნქტი იყო.