იაპონური კომპანია ALE Co. (ასევე ცნობილი როგორც Star-ALE) ტოკიოს 2020 წლის ოლიმპიადისთვის სენსაციური პიროტექნიკური შოუს მოწყობას გეგმავს.

სტარტ-აპს მეტეორის ხელოვნური წვიმის მოწყობა სურს. პროექტი Sky Canvas-ის ფარგლებში, კომპანია რამდენიმე ასეული ობიექტის გაშვებას აპირებს, რომლებიც ტოკიოს ცას სხვადასხვა ფერში გაანათებენ.

ALE Co. 500-დან 1000-მდე ბურთულას სატელიტის საშუალებით დედამიწის ორბიტაზე გაიტანს და გაუშვებს. ქიმიური მეტეორიტები ატმოსფეროში შემოსვლისას დაიწვებიან და ოლიმპიადის გახსნის ცერემონიალის დამსწრეები უპრეცედენტო სანახაობას იხილავენ.