პროკურატურის განცხადებით, გენდერის ნიშნით შვილის მკვლელობის მცდელობისთვის ბრალდებულს 14 წლით თავისუფლების აღკვეთა მიესაჯა.

უწყების ცნობით, 2020 წლის სექტემბერში თბილისში ალკოჰოლის ზემოქმედების ქვეშ მყოფმა კაცმა გენდერული დისკრიმინაციის ნიშნით ურთიერთშელაპარაკების დროს იმ მიზეზით, რომ როგორც მამას და მამაკაცს ქალზე უპირატესი უფლება ჰქონდა გადაეწყვიტა ვისთან იმეგობრებდა და როგორ იცხოვრებდა მისი შვილი, მას დანით ცხრა ჭრილობა მიაყენა.

პროკურატურის განცხადებით, ბრალდებულმა განზრახვა სისრულეში ვერ მოიყვანა, რადგან დაზარალებული წინააღმდეგობას უწევდა და გაქცევას ცდილობდა, ასევე, მას დახმარება გაუწია იქ მყოფმა პირმა და განარიდა.

პოლიციამ ბრალდებული 16 სექტემბერს დააკავა, მას ბრალდება სისხლის სამართლის კოდექსის 11 პრიმა 19, 109-ე მუხლის მეორე ნაწილის "დ1" და "ვ" ქვეპუნქტებით წარედგინა, რაც გულისხმობს მკვლელობის მცდელობას, გენდერული ნიშნით, ჩადენილი ოჯახის წევრის მიმართ.