სურსათის ეროვნული სააგენტოს ცნობით, ბათუმში 45 ადამიანი მოიწამლა. უწყების განცხადებით, შემთხვევა ერთ-ერთ სამკერვალო ფაბრიკაში მოხდა.

"შემთხვევა აღინიშნა ბათუმში ფრიდონ ხალვაშის ქუჩაზე მდებარე სამკერვალო ფაბრიკაში, სადაც 400 ადამიანია დასაქმებული და არის ორგანიზებული კვება. მზა საკვების მიწოდებას ახორციელებს ანკარა ქეითერინგი", — ნათქვამია განცხადებაში.

მათი ინფორმაციით, სააგენტოს ინსპექტირების ჯგუფები ატარებენ შემოწმებას ორივე ობიექტზე და ლაბორატორიული კვლევისთვის ნიმუშები აღებულია.