ექსპრემიერის, გიორგი გახარიას განცხადებით, მისი ყოფილი გუნდის, ყოფილ თავმჯდომარეზე, ბიძინა ივანიშვილზე არც კარგს იტყვის და არც ცუდს.

"მე ბიძინა ივანიშვილს, რომელიც პოლიტიკიდან წავიდა, ყოველ შემთხვევაში მან ასე განაცხადა და რომელთან ერთადაც მე ვმუშაობდი 7 წლის განმავლობაში და კიდევ ერთხელ ხაზგასმით აღვნიშნავ ყველა წარმატება და წარუმატებლობა, რაშიც მე მონაწილეობა მიმიღია, მათ შორის ჩემი პასუხისმგებლობაც არის. მე მას არც ვაქებ დღეს და არც ვაძაგებ.

ეს ჩემი პოლიტიკური გადაწყვეტილებაა, მაგრამ ეს არ ნიშნავს იმას, რომ ხვალ ჩვენი ქვეყნის მომავალზე როცა იქნება საუბარი მე რაიმე კომპლექსი ან შეზღუდვა მექნება იმასთან დაკავშირებით, რომ ჩემი პოზიცია ღიად დავაფიქსირო. ესეთი არ იქნება და ამის იმედი არავის არ უნდა ქონდეს", — განაცხადა გახარიამ.