სერიალი Friends-ის მოყვარულებს, წესით კარგად უნდა ახსოვდეთ მეექვსე სეზონის საახალწლო სერია, სადაც ყველასთვის საყვარელი და-ძმა ახალი წლის გადაცემაში იღებს მონაწილეობას. იმისთვის, რომ კამერების ყურადღება მიიპყრონ, მონიკა და როსი ბავშვობაში დაზეპირებულ საცეკვაო რუტინას იხსენებენ, რომელსაც ნამდვილად ვერ მოსწყვეტ თვალს.

როგორც აღმოჩნდა, კორტნი კოქსს, რომელიც სერიალში მონიკას როლს ასრულებს, ჯერ კიდევ კარგად ახსოვს ცნობილი ცეკვის ილეთები. ამის დასადასტურებლად, მან საკუთარ ინსტაგრამზე ვიდეოც კი გამოაქვეყნა. თუმცა დევიდ შვიმერის ნაცვლად, ამჯერად მისი მეწყვილე არც მეტი არც ნაკლები, ცნობილი მუსიკოსი ედ შირანია, რომელიც როსზე არანაკლები მონდომებით ცდილობს ცეკვის იდეალურად შესრულებას.

"უბრალო რუტინული ცეკვა მეგობართან ერთად", — ასეთი წარწერა გაუკეთა კორტნიმ ამ მოულოდნელ, მაგრამ სახალისო ტანდემის ვიდეოს.

აშკარაა, რომ სერიალის მოყვარულებს სიახლეებით სავსე კვირა ჰქონდათ. შეგახსენებთ, რომ რამდენიმე დღის წინ, HBO Max-ზე სერიალის სპეციალური ეპიზოდი გამოვიდა, სადაც ცნობილი ტელეშოუს ექვსივე მთავარი გმირი მონაწილეობდა.

ფოტო: MARK SELIGER

ისინი ძველ სტუდიას ესტუმრნენ და და გაიხსენეს, როგორ მიმდინარეობდა პოპულარული სერიალის გადაღება. გადაცემაში სტუმრად სხვადასხვა პერსონაჟებიც მოიწვიეს და მაყურებლისთვის საყვარელი მომენტები ხელახლა აღადგინეს. თუკი ეპიზოდს უყურეთ და გსურთ ემოციები სხვებსაც გაუზიაროთ, აუცილებლად ესტუმრეთ ჯგუფს ერთი სერიაც და... სადაც ყველა ამ თემაზე საუბრობს.