"უჰ, ოჰ!!" — ანუ როგორც ფიბი ბუფე იტყოდა, HBO MAX-მა სამსახიობო გუნდთან ერთად Friends: The Reunion-ში სუპერვარსკვლავებიც მოიწვია.

სპეციალური ეპიზოდი, რომელსაც მსოფლიო 17 წელია ელის, დღეს გამოვიდა და ალბათ არ გაგიკვირდებათ თუ გაიგებთ, რომ მასში Smelly Cat-საც მოისმენთ — სიმღერას, რომელიც როსის შემდეგ ყველაზე მუსიკალურმა მეგობარმა, ფიბიმ დაწერა.

სიმღერის აკუსტიკური ვერსია გაგამ და ფიბიმ მეგობრების საყვარელ კაფეში, Central Perk-ში შეასრულეს.

"ასე ძალიანაც ნუ გიხარია, დიდი ხანია არ მიმღერია. ახლა ფიბიდ უნდა გადავიქცე, ოქეი!", — მიმართა კუდროუმ ჯერ გაგას და შემდეგ საკუთარ თავს.

შოუში 12 გრემის, ოქროს გლობუსის, ემისა და ოსკარის მფლობელი ლედი გაგა ფიბის ტანსაცმელით გამოცხადდა:

"დახმარება ხომ არ გინდა? Smelly Cat ჩემი ერთ-ერთი საყვარელი სიმღერაა, შეიძლება შენთან ერთად შევასრულო?"

შესრულების შემდეგ გაგა ბედნიერების სიცილს ვერ იკავებდა, კუდროუ კი კვლავ ფიბის როლში იყო შესული და სასაცილოდ ბუტბუტებდა: "ბევრად უკეთესია, როცა მარტო ვასრულებ".

ყველაფერი აქ არ დასრულებულა: გაგამ კუდროუს ფიბის პერსონაჟის შექმნისთვის მადლობა გადაუხადა: "არ ვიცი სწორია თუ არა ამის თქმა, მაგრამ შენ ყველაზე განსხვავებული და ყველაზე გულწრფელი იყავი".