თბილისის მერიამ დამატებით ოთხი ახალი ადაპტირებული მიკროავტობუსი შეიძინა. თბილისის მერიის განცხადებით, განათლებისა და მეცნიერების სამინისტროსთან ერთად, 11 საჯარო სკოლა შეარჩიეს, რომლებსაც ადაპტირებული მიკროავტობუსები მოემსახურება.

მერიიც ცნობით, დღეს ადაპტირებული ტრანსპორტი მე-60 საჯარო სკოლას გადაეცა. დავით ნარმანიას თქმით, მიკროავტობუსების ტრანსპორტირებისა და ექსპლუატაციის ხარჯებს თბილისის მერია სრულად უზრუნველყოფს. მისივე განცხადებით, მიკროავტობუსები მოემსახურებათ, როგორც სპეციალური საჭიროების მქონე სკოლის მოსწავლეებს, ასევე იმ ადამიანებს, რომლებიც მერიის პარასპორტულ ცენტრში ვარჯიშობენ.

მერიის ინფორმაციით, ადაპტირებული ტრანსპორტით, თბილისში ამ ეტაპზე სულ 50 სპეციალური საგანმანათლებლო საჭიროების მქონე მოსწავლე სარგებლობს.

აღნიშნული, ინკლუზიური განათლების ხელმისაწვდომობის პროგრამის ფარგლებში, ხორციელდება.