კომუნიკაციების კომისიის თავმჯდომარემ და კომისიის 3-მა წევრმა 2020 წელს პრემიის სახით ჯამში 128 208 ლარი მიიღეს. ინფორმაციას ამის შესახებ ინფორმაციის თავისუფლების განვითარების ინსტიტუტი ავრცელებს, რომელმაც სსიპ-ებსა და დამოუკიდებელ უწყებებში გაცემული პრემია-დანამატები შეიწავლა.

მონაცემების მიხედვით, მხოლოდ კომუნიკაციების კომისიის თავმჯდომარემ, კახა ბექაურმა პრემიის სახით 33 300 ათასი ლარი მიიღო. კომისიის წევრებმა, ვახტანგ აბაშიძემ, ელისო ასანიძემ და მერაბ ქათამაძემ ცალ-ცალე 31 636 ლარი აიღეს.

ფოტო: IDFI

IDFI-ს ინფორმაციით, 2020 წელს თანამდებობის პირებზე ფულადი ჯილდოს (პრემია) სახით ყველაზე მეტი თანხა გაიცა მარეგულირებელ კომისიებში და ეროვნულ ბანკში. ენერგეტიკისა და წყალმომარაგების მარეგულირებელი ეროვნული კომისიის თავმჯდომარემ და 4-მა წევრმა 2020 წელს პრემიის სახით მიიღეს სულ 218 176 ლარი. ამასთან, ეროვნული ბანკის ორმა ვიცე-პრეზიდენტმა ჯამში 94 760 ლარი მიიღეს (ეროვნული ბანკის პრეზიდენტზე არც პრემია და არც სახელფასო დანამატი არ გაცემულა).

ამავე თემაზე: