აშშ-ის სახელმწიფო მდივანი ენტონი ბლინკენი ისრაელის პრემიერმინისტრს, ბენიამინ ნეთანიაჰუს შეხვდა. შეხვედრა ისრაელში პრემიერის ოფისში გაიმართა.

როგორც CNN წერს, ბლინკენმა განაცხადა, რომ აშშ შეიტანს "მნიშნელოვან წვლილს" ღაზას სექტორის აღდგენაში, რაზეც დეტალურად ორშაბათს ისაუბრებენ. BBC-ის ინფორმაციით, ბლინკენმა ასევე აღნიშნა, რომ სამომავლო დაპირისპირების აღსაკვეთად და არსებული პრობლემების მოსაგვარებლად საერთაშორისო დახმარების მობილიზებას უზრუნველყოფენ.

ბლინკენის ვიზიტის მიზანი რეგიონში ლიდერებთან მოლაპარაკებები და ცეცხლის შეწყვეტის შეთანხმების განმტკიცებაა.

11-დღიანი დაპირისპირების შემდეგ, 21 მაისს ისრაელი და ჰამასი ღაზის სექტორში ცეცხლის შეწყვეტაზე შეთანხმდნენ.

7 მაისს ისრაელში შეტაკებები დაიწყო პალესტინელ აქტივისტებსა და ისრაელის პოლიციას შორის. სიტუაცია დაიძაბა შეიხ ჯარას რაიონში, სადაც ათეულობით პალესტინელი ოჯახი ცხოვრობს და გამოსახლების საფრთხის წინაშე დგას. რამდენიმე დღის განმავლობაში მოსახლეობა და პოლიცია ერთმანეთს ქვებითა და რეზინის ტყვიებით, ცრემლსადენი გაზით უპირისპირდებოდა.

10 მაისს იერუსალიმში დაპირისპირება გამწვავდა. რამდენიმე წლის შემდეგ პირველად, ჰამასმა იერუსალიმზე სარაკეტო თავდასხმა განახორციელა. საპასუხოდ, ისრაელმა ღაზის სექტორზე საჰაერო იერიში მიიტანა.

11-დღიან სარაკეტო თავდასხმებს ორივე მხრიდან მსხვერპლი მოყვა. გარდაიცვალა და დაშავდა ათეულობით ადამიანი.

გაიგეთ მეტი: