სერიალი დექსტერის გულშემატკივრები მოუთმენლად ელოდებიან ახალი სეზონის გამოსვლას, რომელიც 10 ეპიზოდისგან შედგება.

სერიალი Showtime-ზე რვა წლის განმავლობაში გადიოდა და მისმა ფინალმა მაყურებლების უმრავლესობას გული დასწყვიტა. ამიტომ, ახალი სეზონის მიმართ მოლოდინი კიდევ უფრო დიდია. მეცხრე სეზონის მთავარი სცენარისტი კლაიდ ფილიპსია, რომელიც შოუს მეოთხე სეზონის შემდეგ ჩამოშორდა. ფანები იმედოვნებენ, რომ კლაიდის დაბრუნება დექსტერს საშუალებას მისცემს ძველი დიდება დაიბრუნოს და ისეთივე საინტერესო გახდეს, როგორც დასაწყის სეზონებში იყო.

მაყურებელი ახალ სეზონში ახალ სახეებსაც იხილავს. პროდიუსერების განცხადებით დექსტერის მეცხრე სეზონს სრულიად ახალი ატმოსფერო და ტონი ექნება. სერიალს ცნობილი ამერიკელი მსახიობი ჯეიმი ჩუნგიც უერთდება.

ფოტო: Getty Images

"ორიგინალი სერიალი დაახლოებით 10 წლის წინ დასრულდა, შესაბამისად გასაგებია, რომ ატმოსფერო და შოუს გადაღების ესთეტიკა სრულიად განსხვავებულია. სიუჟეტი კიდევ უფრო მძაფრია. მაყურებელი ძველ და საყვარელ პერსონაჟებთან ერთად ახალ გმირებსაც იხილავს", — განაცხადა ჯეიმიმ.

მაყურებლისთვის ძალიან საინტერესოა, როგორ განვითარდება მოვლენები ახალ სეზონში. გარკვეულწილად, ეს იმედგაცრუებული ფანების გულის მოგების შესაძლებლობაა. მიუხედავად იმისა, რომ სიუჟეტის დეტალები ჯერ ცნობილი არ არის, ახალი თიზერი მიგვანიშნებს იმაზე, რომ დექსტერი ძველ საქმიანობას უბრუნდება.

როგორც თიზერში ჩანს, დექსტერის როლს კვლავს მსახიობი მაიკლ ჰოლი შეასრულებს. სერიალის გამოსვლის ზუსტი თარიღი ჯერ უცნობია, მაგრამ როგორც Showtime იუწყება, მისი პრემიერა 2021 წელს შედგება.