ქართული ოცნების თავმჯდომარე ირაკლი კობახიძე აცხადებს, რომ 17-18 თებერვალს, ანუ გადადგომის პერიოდში მისმა ყოფილმა თანაგუნდელმა და ექსპრემიერმა, გიორგი გახარიამ მოიტყუა. კობახიძე ამას გუნდისთვის ზურგში დანის ჩარტყმად და მძიმე ნაბიჯად აფასებს.

"გახარიამ მოიტყუა, პირველ რიგში, 17-18 თებერვალს და ეს იყო ძალიან მძიმე ტყუილი და სამწუხაროდ, ეს რეჟიმი გრძელდება და ამის ნიშნებს კიდევ უფრო კვეთრად დაინახავს საზოგადოება მომავალში.

[რა მოიტყუა გახარიამ] ამას საზოგადოება გაიგებს. თუმცა, 17-18 თებერვალს მოიტყუა ფართო გაგებით. მან ზურგში დანა დაარტყა საკუთარ გუნდს, რაც იყო ძალიან მძიმე ნაბიჯი მისი მხრიდან", — განუცხადა მან ჟურნალისტებს.

ეს პირველი შემთხვევა არ არის, როდესაც კობახიძე ყოფილ თანაგუნდელს აკრიტიკებს. მსგავსი რიტორიკა აქვთ პარტიის სხვა წევრებსაც, განსაკუთრებით მას შემდეგ, რაც გახარიამ განაცხადა, რომ პოლიტიკაში რჩება და არჩევნებში მონაწილეობას მიიღებს.

ამავე თემაზე: