ჯანდაცვის მინისტრი, ეკატერინე ტიკარაძე მძიმე ქრონიკული დაავადებების მქონე მოქალაქეებს მოუწოდებს, წერილობით მიმართონ სამინისტროს და მოითხოვონ მათთვის განკუთვნილი Pfizer-ის დოზები.

"მინდა მოვუწოდო მოსახლეობის იმ ნაწილს, რომელთაც აქვთ რთული ქრონიკული დაავადებები და რომლებსაც ეკუთვნით Pfizer-ით აცრა, რომ გამოაგზავნონ წერილობითი მოთხოვნა ამასთან დაკავშირებით. კომისიური წესით მიმდინარეობს სამინისტროში ამასთან დაკავშირებით მსჯელობა, რის შედეგადაც მათ მიეცემათ საშუალება Pfizer-ის დიდი მოცულობის ჩამოსვლამდე მიიღონ ის მათთვის განკუთვნილი დოზები ამ ვაქცინის, რომელიც უზრუნველყოფს მათ უსაფრთხოებას ჯანმრთელობის კომპონენტში", — განაცხადა ეკატერინე ტიკარაძემ რუსთავი 2-ის ეთერში.

ჯანდაცვის მინისტრის ინფორმაციით, მიმდინარეობს მოლაპარაკებები მწარმოებელ კომპანიასთან და სავარაუდოდ, ივლისში Pfizer-ის ვაქცინა საქართველოში იქნება.

გაიგე მეტი: