ლიეტუვა საქართველოს კორონავირუსის ვაქცინის 15 ათას დოზას გამოუგზავნის. ამის შესახებ საკუთარ ტვიტერზე ლიეტუვას საგარეო საქმეთა მინისტრმა, გაბრიელიუს ლანდსბერგისმა დაწერა.

"ლეიტუვის მთავრობამ 200 000 ვაქცინის დოზა დაამტკიცა აღმოსავლეთ პარტნიორობის ქვეყნებისთვის. უკრაინას — 100 000; საქართველოს — 15 000 და მოლდოვას — 11 000. მცირე ნაბიჯი ლიეტუვასგან. იმედია, ჩვენი ევროპელი პარტნიორები ამ სოლიდარობას შემოუერთდებიან", — წერს ის.

ქვეყანაში მედპერსონალის ვაქცინაცია AstraZeneca-ს ვაქცინით 15 მარტიდან დაიწყო. Pfizer-ის ვაქცინის 29 250 დოზა საქართველოში 25 მარტს გამთენიისას ჩამოიტანეს. 4 მაისიდან ვაქცინაცია შესაძლებელია სინოფარმითაც. ჩინურმა ვაქცინამ ჯანდაცვის მსოფლიო ორგანიზაიის ავტორიზაცია 7 მაისს მიიღო.