ამერიკის შეერთებული შტატების ალერგიისა და ინფექციურ დაავადებათა ეროვნული ინსტიტუტის ხელმძღვანელის, ენტონი ფაუჩის განცხადებით, კორონავირუსის საწინააღმდეგო ვაქცინის გამაძლიერებლი დოზა, დიდი ალბათობით, ვაქცინაციიდან ერთ წელში საჭირო იქნება. ინფორმაციას ამის შესახებ CNN ავრცელებს.

"ჩვენ ვიცით, რომ ვაქცინის ეფექტურობის ხანგრძლივობა, მინიმუმ, ექვსი თვეა, სავარაუდოა, რომ მეტიც. მაგრამ მე ვფიქრობ, რომ ჩვენ თითქმის აუცილებლად მოვითხოვთ გამაძლიერებელ დოზას პირველადი ვაცქინის მიღებიდან ერთ წელში", — თქვა მან.

საქართველოში მედპერსონალის ვაქცინაცია AstraZeneca-ს ვაქცინით 15 მარტიდან დაიწყო. Pfizer-ის ვაქცინის 29 250 დოზა საქართველოში 25 მარტს გამთენიისას ჩამოიტანეს. 4 მაისიდან ვაქცინაცია შესაძლებელია სინოფარმითაც. ჩინურმა ვაქცინამ ჯანდაცვის მსოფლიო ორგანიზაიის ავტორიზაცია 7 მაისს მიიღო.