Coldplay-ის სოლისტს, კრის მარტინს, სურს რომ ახალ ალბომში შესული სიმღერების სახელები ემოჯიებით გამოსახოს. ამის შესახებ მან რადიოს ეთერში ისაუბრა.

"მოგვეცით ნება, რომ მაგალითად, ვაშლის ფოტო იყოს სიმღერის სახელი, ან რამე მსგავსი", — თქვა მარტინმა და დასძინა, რომ ჯერჯერობით სხვადასხვა სერვისის მიმწოდებლები ამ იდეის განხორციელებაში არ ეთანხმებიან.

Coldplay იმედოვნებს, რომ პირველი მუსიკალური ჯგუფი გახდება, რომლის ალბომში სიმღერების სახელები უბრალოდ ემოჯიები იქნება. მარტინის სიტყვებით, მას სულ რამდენიმე სიმღერის გამოსახვა სურს ემოჯით.

ამ სიმღერიდან რამდენიმე შესაძლოა ახალ კოლექციაშიც ვიხილოთ, რომელიც ქოლდფლეის ტიკტოკის ანგარიშზე 24 მაისს გამოჩნდება. ქოლდფლეის სწორედ პლატფორმაზე ექნება პირველი ონლაინ კონცერტი.

ჯგუფს ახალი მუსიკალური ალბომი ჯერ არ დაუანონსებია, თუმცა გავრცელდა ინფორმაცია, რომ მათი ახალი ჩანაწერის სახელი Music Of The Spheres იქნება.

თქვენი აზრით, როგორ გამოსახავდნენ ემოჯიებით ისეთი ცნობილი სიმღერის სახელს, როგორიცაა Fix You?

@coldplay

And I will try to fix you... ##Coldplay ##FixYou

♬ Fix You - Coldplay