შვედი პოლიტიკოსი ახალი ინიციატივით გამოდის. მას სურს, რომ შვედეთში დასაქმებულებს კომპანიებმა ყოველდღე ერთსაათიანი შესვენება გამოუყონ სექსისთვის. ინიციატივის ავტორი Övertorneå-ს მუნიციპალიტეტის წევრი პერ-ერიკ მუსკოსია.

"არსებობს კონკრეტული კვლევები, რომელიც ამკიცებს, რომ სექსი ჯანმრთელობის ერთ-ერთი მთავარი პირობაა. დღეს წყვილებს არ აქვთ საკმარისი დრო ერთმანეთთან ყოფნისთვის. ეს ინიციატივა სწორედ მათი ურთიერთობების გაჯანსაღებას ემსახურება“ - ამბობს მუსკოსი შვედურ მედიასთან საუბრისას.

პოლიტიკოსი აღიარებს, რომ არსებობს შანსი დასაქმებულებმა შესვენება სხვა მიზნებისთვისაც გამოიყენონ, თუმცა ამაში პრობლემას ვერ ხედავს.

"რა თქმა უნდა, არ არსებობს გარანტია, რომ დასაქმებულები მართლაც სექსით დაკავდებიან", - განაცხადა მუსკოსმა.

"თუმცა ვერ ვხედავ ვერანაირ მიზეზს, თუ რატომ არ გაამართლებს აღნიშნული ინიციატივა", - დაამატა მან.

შეგახსენებთ, რომ შვედეთში ცნობილი ექსპერიმენტი, რომელიც 6-საათიანი სამუშაო დღის დაწესებას გულისხმობდა, ამ დროისთვის დასრულებულია. რა შედეგი მოიტანა ამ ექსპერიმენტმა, შეგიძლიათ წაიკითხოთ ჩვენთან.