შინაგან საქმეთა მინისტრის, ვახტანგ გომელაურის განცხადებით, მალე მოპედებისთის მართვის მოწმობების აღება გახდება საჭირო. ამის შესახებ მან ჟურნალისტებთან ისაუბრა.

"ამაზე ვმუშაობთ, გეთანხმებით, რომ ძალიან მძიმე, მტკივნეული თემაა ქალაქში მოპედების გადაადგილება. მათი კონტროლი ვერ ხვდება ვიდეოკამერით, ვერ ვაჯარიმებთ, აქედან გამომდინარე თავისუფლად დადიან და ხშირია ავტოსაგზაო შემთხევვები, სამწუხაროდ. პირველ რიგში, მინდა დავიწყოთ ახლა, მალე მოხდება დარეგისტრირება მოპედების და ასევე, მათაც ექნებათ ასაღები მართვის მოწმობები", — თქვა მან.

გომელაურის თქმით, კანონპროექტი ორი მოსმენით გატანილია პარლამენტში და მალე დაარეგისტრირებენ.