ასტრონომებმა ერთი ვარსკვლავის ორბიტაზე დედამიწის ზომის შვიდი პლანეტა აღმოაჩინეს. სამი მათგანი, შესაძლოა სიცოცხლისთვის ხელსაყრელი იყოს. ინფორმაციას BBC ავრცელებს.

ექსოპლანეტების ორბიტა - Trappist-1, 40 სინათლის წლის მოშორებით მდებარეობს.

პლანეტები Spitzer -ის კოსმოსური ტელესკოპის და რამდენიმე ობსერვატორიის საშუალებით აღმოაჩინეს.

ჟურნალ Nature-ის ერთ-ერთი წამყვანი ავტორის, მაიკლ გილონის თქმით,"პლანეტები ერთმანეთთან ახლოს, ვარსკვლავთან კი ძალიან ახლოს არიან, რაც ძალიან ჰგავს იუპიტერის მთვარეებს."

მისივე თქმით, ვარსკვლავი ძალიან პატარა და ცივია, შვიდი პლანეტა კი ზომიერი, რაც იმას ნიშნავს, რომ შესაძლოა ზედაპირზე თხევადი წყალი იყოს - ან, თუ გავაბუქებთ სიცოცხლეც.