ადამიანის უფლებათა დამცველი ორგანიზაციის, Freedom House-ის ახალი ანგარიშის თანახმად, საქართველოს დემოკრატიის ქულა 10 წლის წინანდელ შეფასებასთან ახლოსაა.

"საქართველოში, ოპოზიციის მიერ 2020 წლის საპარლამენტო არჩევნების ბოიკოტმა და 2021 წლის თებერვალში ოპოზიციის ლიდერის, ნიკა მელიას დაკავებამ ქვეყნის ბოლოდროინდელი რეფორმების დასასრული ნათლად აჩვენა. საქართველოს დემოკრატიის ქულა ახლა ათწლეულის წინანდელ შეფასებასთან ახლოსაა, სანამ ამჟამინდელი მმართველი პარტია წინა ხელისუფლების ავტოკრატიისგან იმედგაცრუებული საზოგადოების ხარჯზე ძალაუფლებას მოიპოვებდა", — ვკითხულობთ ანგარიშში.

ფოტო: სქრინშოტი/Freedom House

ანტიდემოკრატიულ სვლაზე საუბრობს Freedom House ევრაზიასა და ევროპაშიც. მაგალითად, ამ კუთხით ევროკავშირის ორი ქვეყანა — უნგრეთი და პოლონეთი გამოყოფილი. ორგანიზაცია აცხადებს, რომ ორივე ქვეყანამ ბოლო ათწლეულის განმავლობაში უპრეცედენტო დემოკრატიული უკუსვლა განიცადა.

ანგარიშში, ასევე, წერია, რომ სომხეთში 2018 წლის ხავერდოვანი რევოლუციის შემდეგ, დემოკრატიამ პირველად დაკარგა თავისი ადგილი და გასული წლის განმავლობაში სომხეთის დემოკრატიული რეიტინგის მაჩვენებელი შემცირდა.

რეპრესიების გაძლიერების გამო, კონსოლიდირებულ ავტორიტარულ რეჟიმებსაა მიკუთვნებული რუსეთი და ბელარუსი. Freedom House-ის მიხედვით, "რეჟიმები ძალაუფლების შენარჩუნებისთვის, მზად არიან ყველაფერზე წავიდნენ.