მსახიობ გურამ ჯაშს გუშინ ღამით თავს დაესხნენ. მიყენებული ზიანის გამო მსახიობი საავადმყოფოში გადაიყვანეს და ოპერაცია გაუკეთეს.

ტელეკომპანია რუსთავი 2-ის ინფორმაციით, ჯაში თბილისში, მშრალ ხიდზე დააყაჩაღეს, წაართვეს ტელეფონი, გასაღები და სავარაუდოდ, ქურთუკის წართმევასაც ცდილობდნენ.

შსს-ს პრესსამსახურში კი, ყაჩაღობას, ამ ეტაპზე, გამორიცხავენ. მათი ინფორმაციით, გამოძიება სისხლის სამართლის კოდექსის 120-ე მუხლით მიმდინარეობს. ამ მუხლით, ჯანმრთელობის განზრახ მსუბუქი დაზიანება, რამაც მისი ხანმოკლე მოშლა ან საერთო შრომისუნარიანობის უმნიშვნელო ან არამყარი დაკარგვა გამოიწვია ისჯება ჯარიმით ან გამასწორებელი სამუშაოთი ვადით ექვს თვემდე ანდა თავისუფლების აღკვეთით ვადით ორ წლამდე.