თინა ხიდაშელმა პირველი არხის გადაცემა ვექტორში საუბრისას განაცხადა, რომ არ იზიარებს იმ კონცეფციას, რომ რუსეთი რამეს იმიტომ აკეთებს, რომ ის ღიზიანდება ან ბრაზდება:

"მე ვფიქრობ, რომ რუსეთის ხელისუფლებას ძალიან ნათელი, ცალსახა გეგმები აქვს დასახული. მისი გეგმის ნაწილი იყო 2008 წელი და ამ გეგმის ნაწილი იყო უკრაინა. ამ გეგმის ნაწილია სირია და ყველა ის მოქმედება, რომელსაც ის ახორციელებს".

თავდაცვის მინისტრი მიიჩნევს, რომ რუსეთისთვის არავითარი მნიშვნელობა არ აქვს იმას, თუ როგორ იქცევა ესა თუ ის ქვეყანა ან რა განცხადებებს აკეთებენ ლიდერები:

"რუსეთი თბილისისთვის და კიევისთვის არაფრის დამტკიცებას ცდილობას. მას სრულიად განსხვავებული გეგმები აქვს და ეს გეგმები გაცილებით უფრო დიდი და ფართოსმასშტაბიანია, ვიდრე საქართველოს ოკუპაცია ან უკრაინაში აგრესია".

ამ განცხადებით თინა ხიდაშელმა გადაცემის წამყვანის კითხვას უპასუხა, გამოიწვევდა თუ არა რუსეთის აგრესიას ივლისში გამართულ ნატოს სამიტი და იქ მიღებული გადაწყვეტილებები საქართველოსთან დაკავშირებით.

თინა ხიდაშელი: უკლებლივ ყველა წინა ხელისუფლება ცდილობდა ნატოში გაწევრიანებას