ჭიათურაში მაღაროელები კვლავ გაიფიცნენ, გაჩერებულია ყველა ობიექტი. როგორც ერთ-ერთმა მაღაროელმა, გივი შერგილაშვილმა On.ge-ს უთხრა, მათი მოთხოვნები ხელფასების 50-ით გაზრდა და ჯანდაცვის პირობების გაუმჯობესებაა.

"წინათ მომატებული ხელფასები ახლა 200 ლარით ნაკლები გამოდის. გვაქვს ჯანდაცვის პაკეტი, მაგრამ რაც საჭირო მედიკამენტია ის არ ფინანსდება. ამიტომ ვითხოვთ პირობების გაუმჯობესებას", — ამბობს შერგილაშვილი.

მისივე თქმით, პროტესტს 4 000-მდე მაღაროელი უერთდება.

On.ge ჭიათურაში მანგანუმის მომპოვებელ კომპანია ჯორჯიან მანგანეზს დაუკავშირდა. მაღაროელთა მოთხოვნებზე მათ პასუხს მიღებისთანავე შემოგთავაზებთ.