ევროპარლამენტარები მარინა კალიურანდი, სვენ მიქსერი და ვიოლა ფონ კრამონი დარჩენილ ოპოზიციას მოუწოდებენ, რომ შარლ მიშელის შეთანხმებას ხელი მოაწერონ. ისინი ერთობლივ განცხადებაში დოკუმენტის მნიშვნელობაზე საუბრობენ და აღნიშნავენ, რომ ის პოლიტიკურად დაბალანსებულია და საქართველოს მოქალაქეების საჭიროებებსა და მოლოდინებს პასუხობს.

"ის გვთავაზობს გამოსავლას ამჟამინდელი პოლიტიკური ჩიხიდინა და შეუძლია დაგვეხმაროს პოლიტიკური პოლარიზაციის შემცირებაში, რომელმაც დიდი ხანია, მოწამლა საქართველოს პოლიტიკურ ცხოვრება. შეთანხმება ახალ იმპულსს აძლევს დემოკრატიის გამყარებასა და კანონის უზენაესობას, რაც თანხვედრაშია საქართველოს ევროპულ მისწრაფებებთან", — აღნიშნულია განცხადებაში.

ევროპარლამენტარები იმედოვნებენ, რომ პოლიტიკური კრიზისის სრული და საბოლოო დასრულებით, საქართველოს პარლამენტი მთლიანად ფუნქციონირებადი გახდება და შეთანხმების შესრულებას უზრუნველყოფს.