ჰოლანდიურმა კომპანიამ შექმნა კორონავირუსის წინააღმდეგ ეფექტური პირბადეები, რომლებიც ამავდროულად ეკომეგობრულიცაა. პირბადეები საჭმელად ვარგისი ბრინჯისგანაა შექმნილი და მის ფაქტურაში ყვავილების თესლიცაა შერეული.

იდეის ავტორი ადგილობრივი ქალი მარიანა დე გრუტ-პონსია, რომლის მთავარი პროფესიაც გრაფიკული დიზაინია. მას ეკუთვნის კომპანია, სახელად Marie Bee Bloom, რომელმაც 100 პროცენტით ბიოდეგრადირებადი პირბადეები შექმნა. პირბადეები მიწაში მოხვედრის შემდეგ ნიადაგში ერევიან და ყვავილებად აგრძელებენ სიცოცხლეს. ეს საუკეთესო ალტერნატივაა საოპერაციო პირბადეებისთვისაც, რომლებიც მსოფლიოს ნარჩენებით დაბინძურების დონის ერთ-ერთი განმსაზღვრელია.

იმ შემთხვევაში, თუ პირბადეს მომხმარებელი მიწაზე მოისვრის, ის ნიადაგში მოხვდება და რამდენჯერმე წვიმის წყლით მოირწყვება, ნიღბების შიგნით ყვავილების ყლორტი გაიფურჩქნება. ეკომეგობრული პირბადე სასარგებლოა ფუტკრებისთვისაც. მარიანა თავის საიტზე აღნიშნავს, რომ პირბადეზე ლოგოს დასაფიქსირებლად ორგანული წებოა გამოყენებული და არა მელანი.