ამერიკულ-ქართული განათლების ცენტრის ორგანიზებით და გერმანულ Jacobs University-თან, Toulouse Business School-ის ბარსელონის კამპუსსა და ფრანგულ Université Catholique de l'Ouest (UCO)-თან თანამშრომლობით 2021 წლის 24 აპრილს, 12:00-დან 17:00 საათამდე გაიმართება განათლების საერთაშორისო ვირტუალური გამოფენა, რომელიც უმასპინძლებს 29 უნივერსიტეტს 16 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად დაუკავშირდნენ უნივერსიტეტის წარმომადგენლებს და დაუსვან მათთვის საინტერესო კითხვები.

მონაწილეები ასევე მიიღებენ შანსს მოიგონ College Counseling-ის სრული მომსახურება უფასოდ, 50%-იანი და 20%-იანი ფასდაკლებით.

განათლების ვირტუალური გამოფენაში მონაწილეობის მისაღებად საჭიროა გაიაროთ რეგისტრაცია შემდეგ ბმულზე: leafonlinefair.com

ამერიკული უნივერსიტეტი შვეიცარიაში (American University in Switzerland - AUS) მდებარეობს ლა ტურ დე პეის მუნიციპალიტეტში, ქალაქი მდებარეობს ჟენევის ტბაზე. უნივერსიტეტის ისტორია დაიწყო 1963 წელს, როდესაც შეიქმნა ამერიკული კოლეჯი შვეიცარიაში, რომელიც გამორჩეული იყო მათი კომბინირებული ხედვით: ამერიკული განათლების სისტემითა და შვეიცარიული სამუშაო ეთიკით. 1991 წელს ჩამოყალიბდა ბიზნეს სკოლა, რომელიც გახდა ერთ-ერთი წამყვანი საერთაშორისო ბიზნეს სკოლა შვეიცარიაში.

უნივერსიტეტი სტუდენტებს სთავაზობს პროგრამებს, როგორც ბაკალავრის, ასევე მაგისტრატურისა და დოქტორანტურის საფეხურებზე. ბაკალავრის საფეხურზე სტუდენტებს შეუძლიათ ისწავლონ: ბიზნესის ადმინისტრირება (BSc), სპორტის ადმინისტრირება, საერთაშორისო ბიზნესი და სპორტის მარკეტინგი. მაგისტრატურის პროგრამებია: საერთაშორისო ბიზნესის ადმინისრტირება, ავიაციის მართვა, ფინანსები, ინფორმაციის ანალიტიკა, ექსპერტიზა და თაღლითობის კვლევა, ჯანდაცვის ადმინისტრირება, ადამიანური რესურსების მართვა, ლიდერობა და ცვლილება, მარკეტინგი და სპორტის მენეჯმენტი. ხოლო დოქტორანტურაზე სტუდენტებს შეუძლიათ სწავლა ბიზნეს ადმინისტრირების მიმართულებით.

უნივერსიტეტი უზრუნველყოფს სტუდენტების მაღალი ხარისხის განათლებას, პერსონალურ ყურადღებასა და დახმარებას, როგორც აკადემიურ საკითხებში, ასევე მათ პროფესიონალურ წინსვლაში. უნივერსიტეტი პასუხისმგებლობას იღებს, რომ სტუდენტების მიერ ჩადებული ინვესტიცია გახდება მათი წარმატებული მომავლის გარანტია. ასევე, უნივერსიტეტი გამორჩეულია ინოვატორული და ინტერაქტიული სასწავლო გარემოთი.

წლიური გადასახადი სამწლიანი ბაკალავრის საფეხურზე 18,000 შვეიცარიული ფრანკია, ორწლიანი მაგისტრატურის წლიური საფასურია 15,000 შვეიცარიული ფრანკი, ხოლო სამწლიანი დოქტორანტურის წლიური ღირებულებაა 20,000 შვეიცარიული ფრანკი.

დაფინანსება დამოკიდებულია სტუდენტის მოსწრებასა და ფინანსურ საჭიროებაზე, სტუდენტებს შეუძლიათ მიიღონ 5-60%-მდე დაფინანსება.

უნივერსიტეტს ჰყავს მსოფლიოს მასშტაბით 13 პარტნიორი. ერთ-ერთი განსაკუთრებული პარტნიორია ამერიკული უნივერსიტეტი - Cornell University. ბაკალავრისა და მაგისტრატურის სტუდენტებს აქვთ საშუალება მიიღონ პროფესიონალური სერთიფიკატები კორნელის უნივერსიტეტის ონლაინ პროგრამის ფარგლებში. ასევე AUS- ს აქვს ორმაგი დიპლომის პროგრამა ამერიკულ უნივერსიტეტთან - Tiffin University, რომელიც სტუდენტებს საშუალებას აძლევს მიიღოს ორმაგი ხარისხი ორივე უნივერსიტეტისგან.

ამერიკული უნივერსიტეტი შვეიცარიაში მსურველებს სთავაზობს საზაფხულო ბიზნეს სკოლას, რომლის ხანგრძლივობაცაა 2-4 კვირა და სწავლის საფასური 5,000 შვეიცარიული ფრანკია. მონაწილეები საგნებს ისწავლიან სხვადასხვა აკადემიური სფეროდან და მიიღებენ მონაწილეობას ჯგუფურ აქტივობებსა ად პროექტებში.

თქვენ გაქვთ შესაძლებლობა პირადად შეხვდეთ AUS-ს წარმომადგენელს განათლების საერთაშორისო ვირტუალურ გამოფენაზე 24 აპრილს, 12 საათიდან 17 საათამდე. შემოგვიერთდით: https://leafonlinefair.com/.