გიორგი წოწკოლაური, იგივე Wer Michèlle გრაფიკული დიზაინერია, თუმცა, მისი საქმიანობა მხოლოდ ამით არ შემოიფარგლება. ბოლო რამდენიმე თვეა, რაც გიორგი მოკლემეტრაჟიან ვიდეოებს იღებს, რომლებშიც კონკრეტული ემოციის ჩადებას ცდილობს.

აღსანიშნავია, რომ ხელოვანი ამისთვის რაიმე ძვირადღირებულ ტექნიკას არ იყენებს. ყველა ეს ვიდეო ტელეფონით არის გადაღებული.

KNOW YOURSELF

Know yourself გიორგის ბოლო ვიდეოა, რომელიც ორი ადამიანის ერთმანეთისაგან განსხვავებულ შინაგან მდგომარეობას ასახავს: ერთმა მოახერხა ჩვენ მიერ შექმნილი რეალობისგან გათავისუფლებულიყო, ხოლო მეორე ჯერ კიდევ გაცნობიერების პროცესშია.

BECAUSE

"ვიდეოებს ძირითადად მოგზაურობისას ვიღებ, მათ ქრონომეტრაჟს კი, როგორც წესი, ის ემოცია განსაზღვრავს, რომელიც გადაღების მომენტში მეუფლება. დიდი ვიდეოების შექმნა არც მიცდია, რადგან ვფიქრობ, რომ შეგრძნების გადანაწილება რამდენიმე წუთზე გამიჭირდება".

COLD

მიუხედავად იმისა, რომ გიორგის თითოეული ნამუშევარი კონკრეტული გზავნილის მატარებელია, მაყურებელს ყოველთვის აქვს თავისუფალი ინტერპრეტაციის საშუალება.