რუსთავი 2–ის გენერალურმა დირექტორმა, ნიკა გვარამიამ აქციაზე მხარდამჭერებისთვის სიტყვით მიმართვისას თქვა, რომ ტელეკომპანია სამართლიანობას ითხოვს:

„გაჰყევით მარო მაყაშვილს, ის ქრისტეს გზაზე დადიოდა. ჩვენ ვითხოვთ მარტივ რამეს, ჩვენ გვჭირდება სამართლიანობა, ის, რაც კანონით გვეკუთვნის და რაც სამართლიანია. ნუ გაჰყვებით ბარაბას გზას, ნუ გაჰყვებით ურთმელიძეს, ნაზღაიძეს, გაჰყევით მარო მაყაშვილის გზას, გაჰყევით ქრისტეს გზას".

გვარამიას თქმით, რუსთავი 2-ელები არ გაიყიდნენ და არ გაიყიდებიან. მან მადლობა გადაუხადა მხარდამჭერებს თანადგომისთვის.

რუსთავი 2–ის მხარდასაჭერად დღეს თბილისში ფართომასშტაბიანი აქცია გაიმართა.