დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის ამირან გამყრელიძის თქმით, 100 ადამიანის აცრა ნიშნავს მინიმუმ ერთი ადამიანის გადარჩენას.

"გასაგებია, რომ კუმულაციური იმუნიტეტის, საზოგადოებრივი იმუნიტეტის დაგროვებას დიდი დრო სჭირდება. ეს მარტივად ვერ ხერხდება, მაგრამ, თითოეული აცრილი ადამიანი, ეს არის ... 100 აცრილი ადამიანი არის, სულ მცირე, ერთი გადარჩენილი ადამიანი, იცოდეთ ეს. აქედან გამომდინარე, უნდა ვეცადოთ, რომ დავიცვათ ადამიანთა სიცოცხლე — რაც მეტი იქნება აცრილი, მით ნაკლები გვეყოლება გარდაცვლილი", — განაცხადა ამირან გამყრელიძემ.

დღეს, საქართველოში 1 374 ახალი შემთხვევა დადასტურდა. 26 იანვრის შემდეგ ეს პირველი შემთხვევაა, როცა ინფიცირების მაჩვენებელმა 1 000-სს გადააჭარბა.

3,66%-მდე გაიზარდა დადებითობის დღიური მაჩვენებელიც.