ტესტი: რამდენად კარგად გახსოვს გასული პოლიტიკური კვირა

საქართველოში გასული კვირა მეტად მძიმე იყო. ოკუპირებული აფხაზეთიდან საქართველოს მიერ კონტროლირებად ტერიტორიაზე ე.წ. შავი გზებით გადმოსვლის მცდელობას 7 აპრილს 4 ადამიანის სიცოცხლე ემსხვერპლა. 10 აპრილი საქართველოში გლოვის დღედ გამოცხადდა და ქვეყნის მთელ ტერიტორიაზე სახელმწიფო დროშები დაეშვა.

გასულ კვირას კიდევ ერთხელ გავიხსენეთ 9 აპრილის ამბები — ტრაგედიიდან 32 წელი გავიდა, ხოლო დამოუკიდებლობის გამოცხადებიდან — 30. სამ ათწლეულზე მეტი გავიდა მას შემდეგ, რაც რუსულმა არმიამ დემონსტრანტებს მომწამლავი ქიმიური საშუალებები, ცეცხლსასროლი იარაღი, სასანგრე ბარები, ჯავშანტრანსპორტიორები და ტანკები დაუპირისპირა. სადამსჯელო ღონისძიებებს 21 ადამიანის სიცოცხლე ემსხვერპლა. 1991 წლის 9 აპრილს კი, მოსახლეობის ნებაზე დაყრდნობითა და პირველი რესპუბლიკის დამოუკიდებლობის აქტის საფუძველზე უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა და აქტი გამოსცა.

ეს კვირა არც მიმდინარე პოლიტიკური პროცესებისგან ყოფილა დაცლილი. ევროპული საქართველოს რამდენიმე ლიდერმა, დაპირებისამებრ, პარტია დატოვა. თუმცა წასულებს შორის იყვნენ ისეთებიც, ვისზეც მანამდე ზუსტად არ ვიცოდით. გარდა ამისა, პრეზიდენტმა პარლამენტს ყოველწლიური მოხსენება წარუდგინა, რომელიც შესამჩნევად კრიტიკული იყო ხელისუფლების მიმართ. ამ ყველაფერს კი დაემატა ის, რომ საკოორდინაციო საბჭომ ახალი გადაწყვეტილებები გამოაცხადა. სწორედ ამ თემებს შეეხება ჩვენი კვირის ქვიზიც.

შეავსე ტესტი და გაიგე, რა გახსოვს გასული კვირის პოლიტიკური მოვლენებიდან.