სრული აბსურდი, აბსოლუტურად უსაფუძვლო — კვირიკაშვილი მუხთარლის განცხადებაზე
![](http://chandler.on.ge/2021/04/09/170876993_2876941779210394_3319916673674967044_n_6070a7571f10d.jpg)
ყოფილი პრემიერმინისტრი, გიორგი კვირიკაშვილი აზერბაიჯანელი ჟურნალისტის, აფგან მუხთარლის განცხადებას იმის შესახებ, რომ მის გატაცებაზე პასუხისმგებლობა პირადად კვირიკაშვილს ეკისრება, აბსურდულსა და უსაფუძვლოს უწოდებს.
"მუხთარლის მხრიდან ისმის ეს ბრალდება. პირველი, რომ ეს არის სრული აბსურდი, აბსოლუტურად უსაფუძვლო.
მეორე, რაც მინდა ვთქვა, რომ თუ ეს ბრალდება არის აბსურდი და მე ვიცი ზუსტად, რომ ეს აბსურდია, არ ვიცი რატომ უნდა დავიჯერო ნებისმიერი სხვა სიტყვა, რომელსაც ეს ადამიანი ამბობს.
მესამე — მგონია, რომ, საერთოდ, ვიღაც არის დაინტერესებული, რომ ამ ადამიანმა ეს ილაპარაკოს. ალბათ, ამას დრო გამოაჩენს და გარკვეული დროის მერე, როცა ეს გამოჩნდება, ალბათ, მერე შემეძლება უფრო მეტი კომენტარის გაკეთება", — განაცხადა კვირიკაშვილმა მთავარ არხთან საუბარში.
აფგან მუხთარლი საქართველოში 7 აპრილს, გამოძიებასთან სათანამშრომლოდ ჩამოვიდა. თუმცა, აღნიშნავს, რომ "დიდად მოლოდინები არ აქვს" და "ობიექტურ გამოძიებას ვერ ეღირსება". მუხთარლი მისი გატაცებაში პირად პასუხისმგებლობას სწორედ გიორგი კვირიკაშვილს აკისრებს.
აფგან მუხთარლი 2017 წელს თბილისის ცენტრიდან გაუჩინარდა და მეორე დღეს მოულოდნელად აზერბაიჯანის ციხეში აღმოჩნდა. იგი ამბობს, რომ საქართველოს დედაქალაქიდან კრიმინალური პოლიციის ფორმიანმა პირებმა გაიტაცეს. აზერბაიჯანის ხელისუფლების მტკიცებით, მუხთარლი საზღვრის უკანონო კვეთის გამო დააკავეს.
მუხთარლის დაკავებიდან რამდენიმე კვირაში, აზერბაიჯანის მმართველი გუნდის პარლამენტარმა ელმან ნასიროვმა რადიო თავისუფლებასთან ინტერვიუში თქვა, რომ მუხთარლის დაკავება აზერბაიჯან-საქართველოს სპეცსამსახურების წარმატებული ოპერაცია იყო. საქმეზე გამოძიება საქართველოში ამ დრომდე მიმდინარეობს.
მუხთარლის აზერბაიჯანში 6-წლიანი პატიმრობა მიუსაჯეს. საერთაშორისო ადამიანის უფლებადამცველმა ორგანიზაციებმა იგი პოლიტიკურ პატიმრად აღიარეს. ჟურნალისტი 2020 წლის მარტში გაათავისუფლეს.
გაიგეთ მეტი:
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები