ჭყონდიდის მიტროპოლიტი პეტრე, მატროსოვის ციხეში, ციანიდის საქმეზე დაკავებულ დეკანოზ გიორგი მამალაძესთან შეხვედრის შემდეგ აცხადებს, რომ იგი აბსოლუტურად დარწმუნებულია მის უდანაშაულობაში:

"ეს არის "კაგებეშნიკური", მზაკვრული, დახვეწილი ინტრიგა, რომელშიც ყველა გაეხვა. ჩემი ეჭვია, რომ ნაწილობრივ ეს მიმართუილი იყო ბათუმისა და ლაზეთის მიტროპოლიტ დიმიტრის წინააღმდეგ. მეუფე იაკობზე ვთქვი, რომ პატრიოტი ადამიანია, თუმცა ის ასევე შემადგენელი ნაწილია ამ ინტრიგისა".

მიტროპოლიტი აცხადებს რომ შექმნილი სიტუაციიდან გამომდინარე ეკლესია და ხელისუფლება დიდ სკანდალში გაეხვა:

"ჩემი პროგნოზი და ეჭვები, თუ შეიძლება ითქვას, თითქმის გამართლდა. ძალიან დიდი სკანდალში და შარში გაეხვა ეკლესია და ხელისუფლება, ერთად ორივე. როდესაც პატრიარქის თანმხლები პირების ჯგუფი ჩამოვა და ჩვენ შევიკრიბებით, ხელისუფლებასთან ერთად უნდა დავსხდეთ და მოვიფიქროთ თუ როგორ შეიძლება გაკეთდეს განცხადება. მიმაჩნია, რომ მან [გიორგი მამალაძემ] პატრიარქის ჩამობრძანებისთანავე უნდა დატოვოს საპყრობილე. მე პირადად მზად ვარ რომ ჩემი სიცოცხლის ბოლო წუთამდე ვიბრძოლო იმისათვის, რომ ეს ადამიანი, როგორც უდანაშაულო, იქნეს დაცული".