მას შემდეგ რაც უამრავი ადამიანი გამოეხმაურა ჰარი სტაილსის Vogue-ის ფოტოსესიას, სადაც მას სხვადასხვა დიზაინერების კაბები ეცვა, როგორც ჩანს სხვა კაცებმაც მოირგეს ახალი სტილი.

Marron 5-ის სოლისტმა, ადამ ლევინმა, Instagram-ზე ახალი პოსტი გამოაქვეყნა. ფოტოზე მომღერალი ცოლთან, ბეჰატი პრინსლუსთან და ორ შვილთან ერთადაა.

ადამს, უმცროსი შვილის, ჯიოს სტილის, Tiare Hawaii-ის კაბა აცვია, რომელიც პასტელის ფერებშია გადაწყვეტილი. ხოლო ბეჰატის და დასტის, იმავე ბრენდის, ერთნაირი, ვარდისფერი კაბები ამშვენებთ.

პოსტის წარწერა ცნობილი სიმღერის სათაურია — გოგოებს უბრალოდ გართობა სურთ.

მომღერლის თაყვანისმცემლებს ალბათ არ გაუკვირდათ ეს მხიარული პოსტი, რადგან წყვილი სოციალურ მედიას საკმაოდ აქტიურად იყენებს. ისინი ფანებს ხშირად ანებივრებენ ოჯახის ფოტოებით. სულ ახლახანს, უმცროსი შვილის დაბადების დღე, ბეჰატიმ ამ ფოტოთი აღნიშნა, სადაც ის თავის შვილს საუკეთესო მეგობრად მოიხსენიებს.

ადამ ლევინი და ბეჰატი პრინსლუ 2014 წელს დაოჯახდნენ. მათ ორი შვილი ჰყავთ, თუმცა არ უარყოფენ რომ მომავალში კიდევ გეგმავენ ოჯახის გაფართოებას.