ჯანდაცვის მინისტრმა, ეკატერინე ტიკარაძემ განაცხადა, რომ აღდგომის აღნიშვნა წელსაც, გასული წლის მსგავსად, "მოკრძალებულად მოგვიწევს".

"წელსაც მოგვიწევს მოკრძალებულად აღვნიშნოთ აღდგომის დღესასწაული. თუმცა, ვიმედოვნებ, რომ ჩაკეტვის გზას ამ ეტაპზე არ მივმართავთ და შევძლებთ, ვმართოთ ინფექცია ისე, რომ არ დაგვჭირდეს გლობალური ჩაკეტვები", — განაცხადა ტიკარაძემ რუსთავი 2-ის ეთერში.

დღეს, საკოორდინაციო საბჭოს სხდომის დასრულების შემდეგ, ტიკარაძემ, ასევე, განაცხადა, რომ აღდგომამდე დაახლოებით ერთი კვირით ადრე გადაწყდება რა შეზღუდვებით შევხვდებით დღესასწაულს.

1-ელ აპრილს, დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელმა, ამირან გამყრელიძემ განაცხადა, რომ თუ კლასტერები გამრავლდა, სააღდგომოდ შემზღუდავი ღონისძიების შემოტანა გახდება საჭირო.

გაიგეთ მეტი: